![](/var/002/storage/images/media/immagini-comunicati-stampa/il-tavolo-in-sala-depero-con-il-presidente-fugatti-al-centro-image/3734424-1-ita-IT/Il-tavolo-in-Sala-Depero-con-il-presidente-Fugatti-al-centro_imagefullwide.jpg)
Zbischn de toausmòch van trèff a toal bichtega punktn bou der Zòmmtrèff hòt gamiast song de vourtschbinn van vurm za toaln s provinzalgèlt ver de sprochminderhaitn ver en 2024, as s ist va ungefèr 900 tausnt euro ont asn programm ver de òrbetn as kearn de sprochminderhaitn nochricht; de paitrogn ver de projektn iberhaup bichte ver za stitzn de sprochminderhaitn ont de programm ver de sproch ont kultural politik van Comun General de Fascia.
En ganau de vourtschbinnen as sai’ kemmen klòfft sai’ gaben as en plan va de informazion abia as ist en provinzal gasètz 6/2008 en artikl 23, pet de projektn oa’ne kemmen van Tisch va de komunikazion van sprochminderhaitn, de zuazolnvrong ver òcht projektn as ausònder bèrt sai’ ver za unterstitzn de sprochminderhaitn. Zboa van dòin projektn sai’ kemmen trong van Bersntoler Kulturinstitut, oa’n van zòmminstitut va de Schualn Persn 1, oa’s van Kulturinstitut Lusèrn, zboa van zòmminstitut va de Schualn Folgaria-Lavarone-Luserna, oa’n va de Scola ladina de Fascia ont oa’n va de Gamoa’schòft Hoa Valzegu’ ont Bersntol. Derzua bart kemmen gem en Comun General de Fascia pfonztgèlt as en Plan van projektn van òrbetn as de sproch ont kultur politik.
De lait as toalnemmen en de gamoa’schòftn va minderhaitn hom s rècht za hom nochrichtn tschrim ont za lisnen ont sechen as de eigene sproch, no abia as paschraip s gasètz, abia kein, as sok as der Comun General de Fascia, de Gamoa’n va de sprochminderhaitn ont de sai’na gamoa’schòftn, miasn gem a hònt za unterstitzn de nochrichtn gamòcht en de sprochminderhait ont nou za enviretrong naia virm ont plindern ver za meing gem de meglechkait za schaung sa aus van eigene lònt aa. De òrbetn schaung iberhaup, zan paispil, s druck va zaitlecha saitn as de sproch, as de lokaln zaitungen ont de nochrichtn gamòcht òll boch as zimber ont as bersntolerisch, de programmen as ladinesch, s druck ont s ausgem va zaitlecha sproch zaitungen.
A toal òrbetn kemmen gamòcht direkt va de provinzal junta, abia de sèlln van sistem va radiotelevision ver de nochrichtn as taitsch ont as ladinesch, bersntolerisch ont zimbern. Abia gadenkt van president Fugatti, ist schoa’ kemmen pfuntn, abia projekt ver za toalnemmen en Programm ver de projektn as kearn ver de nochrichtn en de minderhait sproch 2024 - 2025, s long schaung de kanai ORF 1 ont ORF SPORT va de ostraicher television ORF en de lander van Sprochminderhaitn va de gschicht van Trentin ont va de gònze Autonome Provinz va Trea’t.
De trasmission bart kemmen turch an kontratt pet en nètz operator El Towers, finz as de 15 van schanmikeal 2025.
Derzua ist noch za kemmen gamòcht der dinst ver za long schaung der kanal HBBTV ver zaig as keart en de Sprochminderhaitn van Trentin as de smart tv.
Letratdinst gamòcht van Druckomt.
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol