Traduzione in mòcheno
Secks gamoa’n hom der prais kriak abia “Plastic Free” 2023 van Trentin
S gònze Bersntol, Persn ont Vallelaghi. Tonina: “An prais as billt vil song ver en Trentin. Schutzn de umbèlt pet borega òrbetn”
De sai’ gabòcksn as secksa de gamoa’n “Plastic Free” van Trentin. Nemm Persn ont Oachpèrg, as schoa’ vert sai’ gaben, ist gor Vlarotz, Garait, Palai en Bersntol ver en gònz Bersntol ont Vallelaghi. De doin amministrazionen hom kriak an prais ka Bologna, en a fest kan Palazzo Re Enzo, bou as zòmm pet de pirgermoastern ont de asesorn van Gamoa’n ist gaben gor der vicepresident va de Autonome Provinz va Trea’t Mario Tonina. “Der doi prais, gem en de vraischòft Plastic Free, ist runt bichte ver en Trentin. S ist an grunt en mear ver za pakimmern se en de umbèlt durch s tea’ va òll to. De doin secks gamoa’n lòng sechen as der Trentin bill ont mu ònderst sai’. De Provinz en doi projekt ist zòmm en de amministrazionen. Zan paispil de ziln u’ganòmmen ver de Provinzal Strategi ver sèlber vernaiernse ont de kritern u’ganòmmen ver za prauchen minder plastik ont produktn as men praucht lai a vòrt en de trèffn gamòcht va de provinzal amministrazion”.
En trèff, pet en paitrog van Europeische Parlament, van Stòttzimmer, van Senatzimmer ont van Minister va de umbèlt gahòp hòt ont s toalnemmen van president van Cei, der kardinal Matteo Maria Zuppi, tsechen hòt, sai’ gaben der Tonina ont de pirgermoastern Lorenzo Miori (Valledeilaghi), Luca Puecher (Garait), Franco Moar (Palai en Bersntol), Andrea Fontanari (Schandurschl) ont der asesor en de umbèlt Massimo Negriolli va de gamoa’ va Persn.
De secks brafn trentiner Gamoa’n zòmm pet òndra 62 gamoa’n, sai’ tschèrlt kemmen va de onlus as tschatzt hòt 360 platz, zòmm pet an model va 22 punktn, as bèrt gem hom en a toal kritern, abia gea’ keing en lòng semm de mondizie, de sensibilizazion van lònt ont de naiòrbetn pet de schualn, de rèchtn dinger za tea’ ver za prauchen minder plastik, gèlt prauchen ver za leing prindler ont guata prauchen van òllgamoa’bòsser, de zòmmòrbet pet de vraischòft Plastic free.
Druck do ver za sechen der video https://bit.ly/3ZGNS9J
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
(cdt)
Immagini
