La proponetes che vegnarà conscidrà pel esser ativitèdes pissèdes da scoles, sociazions, privac, ma ence projec concrec metui a jir dal mond economich (firmes o “start up”) e istituzionèl (Comuns, Zità, Consorzies e etres enc). Anter i projec porté dant vegnarà cernù fora timpruma i finalisć de na sezion locala, che dapodò i desvalives teritories i portarà dant a na juria internazionèla. Chesta la cernarà i trei projec miores e la ge dajarà fora l pest ai 25 de otober del 2024, en ocajion de la Conferenza di Capi de Goern ARGE ALP che la vegnarà fata te Tessin. Ence l Trentin, donca, l vegn tout ite te la desvaliva fases del recognosciment internazionèl, che l perveit 6.000 euro per l prum pest, 4.000 euro per l secont e 2.000 euro per l terz.
Arge Alp l é na Comunità de lurier metuda en esser ai 12 de otober del 1972 a Mösern, tel Tirol, col obietif de ge fèr front e sostegnir bessegnes coletives e che la tol ite 26 milions de persones. Membres de Arge Alp l é la Germania col Stat Ledech de Bayern, l’Austria coi Länder Vorarlberg, Tirol e Salzburg, la Tèlia co la Provinzies autonomes de Busan e Trent e la Region Lombardia, la Svizra coi Ciantons Grischun, Son Gagl e Tessin.
L avis de concors e l formulèr per tor pèrt i é a la leta sul sit: https://www.argealp.org/it .
Traduzion di Servijes Linguistics e Culturèi del Comun general de Fascia
