[Cimbro] ’Z barta soin zait sin atz 29 von hornung 2024 innzogeba in vorsch zo haba vornaügart in briaf boda sichart da ekonòmesche konditziong zo maga håm in schèk kura. Ditza hatta auzgemacht da provintziàl Djunta, nå in sèll boda hatt ågètt dar asesór afte gesunthait Mario Tonina: “Dar schèk kura iz a bichtegar strumént, ombrómm dar iz khent inngevüart pinn zil zo helva in laüt boda nèt soin guat zo darberase alumma zo maga khemmen kuràrt dahuam – asó hatta khött dar provintziàl asesór – zo giana vürsnen zo gebanen in laüt boden sa håm habar detzidart zo vorlengra di zaitn asó azpe da sa iz khenet getånt vert, ånemmante bazta hatt khött ’z provintziàl Åmt vor di hilfe un di vürlegom, darzuar o in sèll boda håm khött di patronètt”. ’Z bartnda asó soin zboa månat mearar zait zo maga inngem di briavan zo haba zuargètt in schèk kura vorz djar 2024, haltante vest ’z rècht vo berden sa vånk zo giana vürsnen zo haba in schèk åna z’soina untarprocht von earst von hoachnach 2024 vort.