No de bòsserkundeschatzn de bichtestn punktn bou as men bart òrbetn barn sai’ en km 9,950 glaim en provinzalbe en de gamoa’ va Vlarotz, bou as en doi moment der be sperrt ist, asou za meing bider autea’ zan gahassestn der be as na oa’zege bèckslrichtung.

S kimmp stende drautschauk s stickl  (provinzalbe km 4,800) en de gamoa’ va Garait bou as en de leistn ta hòts nogem der be as de unter sait bavai s hòt bolten bòsser as aro kimmp va de pèrg sait. Ver dòs, ver de sicherkait, ist kemmen verpoutn za gea’ verpai, en doi stuck va be,  en de mittln as beng mear abia 7,5 tonnelat finz as kemmen nèt gamòcht de bòsserkundeschatzn as schoa’ u’pfònk sai’, ver za verstea’ de beiln òrbetn za mòchen asou as s bòsser rècht vort geat ont der be bider en versicherkait kimmp galeik.

En de glaiche zait kimmps drautschauk de ouber sait van provinzalbe  glaim en pr. km 0,400 en Kaneitsch, bou as òlbe aro la’t s material bavai s tuat òlbe lai rengen sait de mu’netn van moi ont van prochet verpai.

S hòt nou en programm za mòchen a stitzmauer as de sait van pèrg van provinzalbe 233 en Oachlait glaim kan Taufner hoff en de gamoa’ va Garait.

Ibersetz gamòcht van Sprochtirl va de Tolgamoa'schòft Hoa Valzegu' ont Bersntol