La pruma atività la perveit de tor ite l Partiment de Economìa e Management, soget terz a chel se se ouc per la validazion de la metodologìa durèda per la definizion de la perzentuèles de enteress durèdes da la strutures provinzièles per endrezèr intervenc per la conzescion de finanziamenc e da Cassa del Trentin per atualisèr i contribuc.

La seconda atività la enteressa l Partiment de Enjegnerìa Zivila, Ambientèla e Mecanica a suport de l’Agenzìa Provinzièla per la Ressorses Idriches e l’Energìa (APRIE) tel setor de la doura de la èghes. Vegn tout ite ence l Partiment de Economìa e Management per l svilup de la enrescida spezifica, outa a renovèr l sistem energetich, la gestion de la èghes del Trentin, e a ge dèr l maor peis ai ejic sul teritorie che à la azions strategiches metudes a jir, tolan ite e smaoran la competenzes locales e la ressorses umènes. APRIE l podarà se emprevaler de n suport metodologich e scientifich per ge fèr front a na assegnazion neva, con n sistem concorenzièl, de la gran deviazions idroeletriches.

La terza atività la vegn portèda dant dal Servije Mendranzes Linguistiches e Audit euroepean en colaborazion co la Facoltà de Giurisprudenza e la revèrda l’endrez de n codejel su la mendranzes linguistiches da ge meter a la leta a la scola auta per l’educazion zivica.

Traduzion di Servijes Linguistics e Culturèi del Comun general de Fascia
(Traduzione a cura dei Servizi Linguistici e culturali del Comun general de Fascia)