En lunesc ai 3 de messél, da les 11 da doman vegnarà fat na messa sun Pas de Fedaa, tel piazal sora la utia Cima Unidci. N lech da olache se pel ge vardèr al giacé desfegurà e te chest moment scuert da la neif.
A la fin de la zelebrazion religiousa, vegnarà metù ju te n post per la meditazion che l é na dejina de metres sunsora na targa de recordanza. N moment intim, a chel che tolarà pèrt ence i raprejentanc di gropes de socors e de la istituzions. Se cognessa esser catitemp, la pruma pèrt de la zerimonia la vegnarà fata te la gejia de Cianacei.

En sabeda 1m e en domenia ai 2 de messèl l Comun, en colaborazion co la sociazon “Ensema per Cianacei” l à endrezà doi evenc.

En sabeda da les 9 da sera, te piaz Marconi (se cognessa esser catitemp te Chino Marmolèda) l é n debatit publich col titol “Marmolada, il futuro della montagna al tempo del cambiamento climatico”, a chel che tolarà pèrt l re di otmile Reinhold Messner e l studious di giacé del Muse Christian Casarotto; tolarà pèrt ence un raprejentant de la Jonta provinzièla, l ombolt Bernard e l diretor de l’Azienda per l turism de Fascia Paolo Grigollo (potra dant i giornalisć Andrea Selva e Elisa Salvi).

La sera la scomenzarà co la proiezion del documentarie endrezà da Selva che conta de la desgrazia.

En domenica ai 2 de messèl da les 3 domesdì, sul Pas de Fedaa l Cor Valfassa, ret dal Maester Stefano Lazzer, l ciantarà cianties da mont. N conzert dedicà a la vitimes. Co na orazion: lasciali andare per le Tue montagne.   
       

Traduzion di Servijes Linguistics e Culturèi del Comun general de Fascia