Ber ’z makta nemmen toal
Di meldung lekk vür zo darkhenna un zo zornira 90 djunge zo giana zo macha pratika in auzlånt auz pan summar-herbest 2024. ’z manga inngem in vorsch:

Tipolodjì A) – 70 plètz vor studjént boda in schualdjar 2023/2024 machan da viarte klasse, teglich, vodar trentinar obarschual, saiz öffentlesch saiz privàtt, un daz draite djar von trentinar viardjarege licei (asó, dar viardjarege Liceo von Sacro Cuore Institùt vo Tria, dar viardjarege Liceo Steam C.F.P. G. Veronesi vo Rovrait un dar viardjarege bizzschaftege Liceo M. Martini vo  Mezzolombardo);

Tipolodjì B) – 20 plètz vor djunge diplomart in schauldjar 2023/2024 von trentinar obarschual sistèm un profesionèll formatziong, saiz öffentlesche saiz privàtt.

Zaitn boda khint gemacht dar prodjèkt
Disa pratika zo macha in firme odar organizatziongen in auzlånt  (lai européan lentar) bart innhaltn viar bochan vor di sèlln vodar tipolodjì A) studjént, boden mage khemmen darkhennt azpe auzbèksl zbisnen schaul un arbat, un, anvétze, vo sèchtza bochan vor da tipolodjì B) diplomarate.

’Z bartnda soin o momént bomase boroatet vor ditza, disa zait bart o khemmen gehaltet kunt azpe formatziong.

Bo
Di plètz boma bart machan disa esperientz bartn khemmen gevuntet in dise lentar:
 
IRLAND / MALTA – arbat zung inglés
TAÜTSCHLÅNT – arbat zung taütsch un/odar inglés
SPÅNJA- arbat zung spanjöll un/odaringlés
BELGIO – arbat zung frantzés un/odar inglés  

Khostn
Da provintziàl Vüarom zalt allz vor dise sachandarn:

• da earst formatziong zo borotase zo giana;
• in viazo saiz zo giana, saiz zo kheara bidrùmm vor bo ma hatt zo giana (pinn zug, korìara odar aroplå);
• sicharom (azmen hettat zo tüana bea un vor zivìl responsabilitét) vor da gåntz zait boma vortsteat in auzlånt;
• organizatziong von progråmm von praktikum in Lånt boma geat;
• èzzan un herbegen (in famildje boda ånemmen di studjént)
• di lokàl traspòrte in auzlånt;
• in atestàtt vodar esperiéntz gemacht.

Informatziongen
Dar prodjèkt M.E.T.A. Mobilità Europea, Tirocini e Apprendimento iz vürgevüart von Universitét Åmt un européan font – Dianst vor da profesionèll formatziong, tertziàr formatziong un sistèm funktziongen von Dipartimént Istrutziong un Kultùr vodar autonome Provìntz vo Tria, någeholft vodar Teritoriàl Multifunktzionàl struktùr Ad-Personam
Mail: ka1smart@provincia.tn.it

Telefón: 800-163870 (Teritoriàl Multifunktzionàl struktùr Ad-Personam)
websait: https://www.vivoscuola.it/meta

Übarsetzt von Schaltarle vor di zung von Toalkamou vodar Zimbar Hoachebene