Traduzione in ladino
L’é stat metù sù la Comiscion paritetica per la valorisazion de la mendranza linguistica ladina
La Jonta provinzièla l’à aproà la Comiscion paritetica che à l’encèria de troèr fora la competenzes de emportanza per la valorisazion de la mendranza lingusitica ladina, che les pel vegnir dates sù al Comun general de Fascia. Chest l vegn pervedù da na normativa de emportanza costituzionèla, la 1 dai 4 de dezember del 2017, che la perveit l recognosciment del Comun general de Fascia desche Ent soracomunèl a chel che la Region e la Provinzia de Trent pel ge dèr sù, trasferir funzions aministratives, estra che doveres o ativitèdes sie, de emportanza per la valorisazion de la mendranza. L president de la Provinzia Maurizio Fugatti ge aea domanà per chesta rejon al Comun general de Fascia l’inom di trei componenc de sia competenza e al president de la Region autonoma Trentin Sudtirol l’inom de un auter component. Pèrto sia la Provinzia autonoma de Trent la se à cruzià de nominèr i trei componenc pervedui aldò de lege.
Aldò de la nomines dates sù anchecondì la Comiscion paritetica la é metuda adum da:
- Luca Guglielmi, member del Consei provinzièl, conseier ladin enciarià, en raprejentanza del Comun general de Fascia;
- Elena Testor, Procuradora del Comun general de Fascia, en raprejentanza del Comun general de Fascia;
- Thomas Amplatz, conseier del Consei General, en raprejentanza del Comun general de Fascia;
- Matteo Migazzi, Capo secretariat de l’Ofize de presidenza, en raprejentanza de la Region Trentin Sudtirol;
- Jens Woelk professor ordenèr de derit costituzionèl comparà te la facoltà de Giurisprudenza de Trent, en raprejentanza de la Provinzia autonoma de Trent;
- Valeria Placidi, Sorastant generèl del Partiment afares e relazions istituzionèles, en raprejentanza de la Provinzia autonoma de Trent;
- Giuliana Cristoforetti, Sorastant de l’UMSE mendranzes linguistiches locales e audit european, en raprejentanza de la Provinzia autonoma de Trent.
Traduzione in ladino a cura dei Servizi linguistici del Comun general de Fascia
(cdt)
Immagini
