Giovedì, 31 Agosto 2023 - 09:21 Comunicato 2512

Traduzione in ladino

Jouf de Fedaa, pea via i lurieres per comedèr e slarièr l “pènt del Peles”

L President Fugatti: opera strategica che garantesc maor segureza

L “pènt del Peles”, su la strèda statala 641 del Jouf de Fedaa l vegnarà metù en segureza sibie per chel che vèrda la conservazion de la strutura, che ence per arsegurèr l stravardament dal risech de teremoc e levines. En lunesc ai 28 de aost la consegna di lurieres dedant al President de la Provinzia autonoma de Trent Maurizio Fugatti, al Ombolt de Cianacei Giovanni Bernard, al Procurador Giuseppe Detomas e al Conseier Provinzièl Luca Guglielmi. I lurieres i durarà 6 meisc e l cost de l’opera l é de presciapech 1,5 milions de euro. “L obietif l é chel de miorèr na infrastrutura dassen emportanta per chest teritorie – à despiegà l President Fugatti-. L’opera la servirà per miorèr la segureza e la efizienza de la rei de la strèdes che mena sun Jouf de Fedaa e sun Marmolèda e che permet ence l coleament col Venet”. Ence l Ombolt Bernard l palesa sia sodesfazion e l disc che chest intervent fat soraldut per la segureza, l é strategich ence per l svilup turistich del teritorie.

I lavori di sistemazione e allargamento del "pent del Peles" a Passo Fedaia: un momento di confronto tra politici e tecnici [ Ufficio Stampa PAT]

L projet l perveit de mudèr fora la strutura zentrèla che l é anter un pilèster e l auter con una neva de acèl e peton, de fèr su na “parèda” auta 5 metres respet a la strèda, na protezion donca che tegn per mez se cognessa vegnir ju na levina e per stravardèr i auti che passa. L é pervedù ence de slarièr la strèda delaite del viadot da 6 a 7 metres, con n intervent tant su la neva strutura anter n pilèster e l auter che ence sun chela does da les pèrts. L é pervedù ence de renforzèr i doi pilèstres del pènt, metan ju micropèi.

Per duta la regnèda di lurieres, fora che per curc momenc, i auti podarà passèr su una corsia, demò de n vers alternà.

DAC TECNICH - AMINISTRATIVES PRINZIPAI
Projetist e diretor di lurieres: enj. Marco Zanuso
Responsabol del Prozediment: enj. Carlo Benigni
Cost en dut aldò de la basa de apalt: € 2.033.390,06, de chi che € 1.585.584,63 per lurieres tout ite i agravies per la segureza, e € 447.805,43 per sumes a la leta.
Firma che fèsc i lurieres ZAMPEDRI LORENZO S.R.L. con senta a Perjen (TN), Frazion Viarach col rebas del 6,673% per n cost en dut de € 1.484.822,58 (de chi che € 1.409.272,22 per lurieres e € 75.550,36 per agravies per la segureza)
Termins: i lurieres i cognarà vegnir fac te 180 dis

DESĆÈRIA L SERVICE VIDEO https://shorturl.at/jzI25