![](/var/002/storage/images/media/immagini-comunicati-stampa/it-alert-giovani-in-piazza-duomo-ricevono-il-messaggio-di-test-della-protezione-civile-image/3748808-1-ita-IT/IT-alert-giovani-in-Piazza-Duomo-ricevono-il-messaggio-di-test-della-Protezione-civile_imagefullwide.jpg)
Bia funtzionartar dar IT alert? Ma nützt khummana app. Di naüng aftn telefonì, rivan pittan klång, nå dar cell-broadcast teknologi, boda vånk di telèfone lai in dar né von platz boda iz dar umfall.
“Balda iz an perikolo, iz bichte azta di laüt darvernz lai bachemme” khütta dar diretor djeneral vodar Provinz, Raffaele De Col. “Pittn IT alert, di Zivil Protetzion, hatt an strument mearar zo riva in laüt. Ma mucht o gedenkhan ke ‘z iz bichte bizzan baz zo tüana un baz ma mucht nètt tüan balda iz an umfall.
Khennen ditza, salvart ’z lem”.
Dena di esperimentn von vorgånnante djar in da gåntz provintz un in Valsugåna, zo pezzra in sistèm, bartnda khemmen geschikht bidar naüge afte telefonin alz test. Ber da vånkh an mesadjo boda åheft pittn bort “TEST”, muchtze nicht vÖrtn: ’z iz zo vorstiana bida dar sistèm geat garècht azta berat an umfall, un lai aupazzan di laüt afte perikole boda magatn auzvall.
Zo bizzasan mearar aft disan sistem, makma gian aftn sito www.italert.gov.it. Zo bizza baz da lirnt di zivil protezion z’soina hèrta boroatet balda rift dar klång von alarm, makma gian aft sito www.iononrischio.gov.it.
Übarsetzt von Türle afta Zimbarzung von Kamou vo Lusérn