Vor bem
’Z mangda nemmen toal di studjént boda:

• gian in ditza schualdjar 2023/2024 in da zboate klasse von trentinar viardjaregen licei odar in da draite klasse von åndarn obarschualn saiz in Trentino saiz auz provìntz o;
• håm nèt kompìrt mearar baz zbuantzekh djar;
• lem in di Provìntz vo Tria; soin in a famildja boda hatt an ICEF vorz djar 2023 boda auzkhint von “Untzege Vorsch” untar in 0,60.

Dar voucher zuargètt bart khemmen auzgezalt lai azta khint gemacht verte ’z schualdjar 2023/2024 åna formatìf schulln.

Bo
Ma mage gian zo studjàra in auzlånt in a schual istitutziong boda hatt soin setz in a lånt auz vodar Européan Uniong. Dar studjånt iz frai zo zornira sèlbart an bettan schual bege zo macha, baispil nemmen toal in vürlegom zo giana ummar vodar schual bodar sa macht, innschraimse atz progrémm boda khemmen vürgelekk vo emtar, feroine, adjéntzian boda arbatn in sektor zo macha ummar gian di studjént, süachan alumma beln bege zo macha gianante sèlbart zo zornira di schual bodar bill machan un vennenen alumma herbege.

Vor biavl zait
Di schual mage innhaltn a djar (daz mindarste 240 tang) odar lai vor bintsche zait (daz mindarste 110 tang).

Bia innzogeba di vorsch
Dar båndo mage khemmen abegenump vodar websait www.vivoscuola.it. Dar vorsch mage khemmen inngètt lai durch telematege protzedùr nützante in SPID (Sistema Pubblico di Identità Digitale), CIE (Carta d’Identità Elettronica) odar CPS (Carta provinciale per i Servizi), åhevante vo di noüne mòrgas von erta 7 von bintmånat un sin daz umma in tages von fintzta atz 7 von kristmånat 2023.

Übarsetzt von Schaltarle vor di zung von Toalkamou vodar Zimbar Hoachebene