Venerdì, 05 Gennaio 2024 - 16:57 Comunicato 20

Traduzione in mòcheno

Europeische mobilitet, òrbetlear ont learnen: òrbetlearring en auslònt ver studentn ont diplomatn

Va de 8 finz af de 22 van genner 2024 de vrogn

[Mòcheno] Verlaichtern der bècksl schual-òrbet turch s learnen ont s verpesser van trasversal ont sprochkompetenzn, asou abia van sèlln va de òrbet, de doin sai’ de riven van projekt Europeische mobilitet, òrbetlear ont learnen. En sitz van vraita af de 15 van schantònderer de Provinzaljunta hòt u’ganommen de aunemmnochricht van projekt ver 90 lait as de doin òrbetlearring en auslònt mòchen meing, bail en de zait summer-herbest 2024.
“Versterchern de aigenen òrbet ont sprochkompetenzn turch an òrbetlemring va viar oder sechs bochen en bèrkn ont organisasionen en auslònt - hòt tsòk der asesor en birtschòftverpesser, en de òrbet, en de universitet ont en untersuach Achille Spinelli - lòk versterchern der aigenen curriculum, pet en bèrt gem en kompetenzn as men bail en de schualzait kriak hòt. S ist a groasa moglechkait ver de insern jungen”.
De vrogn za nemmen toal miasn inntrong kemmen va um 9.00 van ma’ta af de 8 van genner 2024 finz um 17.00 van ma’ta af de 22 van genner 2024, lai turch an vurm online af de sait https://www.vivoscuola.it/meta. En gònzn ver en projekt hòt s 304.900,00 Euro, gèlt as gònz galukt ist pet euripeischen paitrog van program Eurasmus+ 2021-2027.

Bandiere dell'Europa

Ver bem as de naikait tschbunnen ist
De Nochricht tschbinnt vour an ring za vinnen ont tschernen 90 lait ver òrbetlearring en auslònt za mòchen en de zait summer-herbest 2024. De naikait ist tschbunnen ver:

Tipologi A) - 70 platz ver studentn as en schualjor 2023/2024 s viarte jor pasuachen, pan to, van a trentiner zboateschual va zboate tritt, òllgamoa’ oder paritet, ont s dritte jor van trentiner viarjoregenlicei (Liceo quadriennale delle scienze umane Istituto Sacro Cuore va Trea’t, Liceo quadriennale Steam C.F.P. G. Veronesi va Rovereto ont Liceo scientifico quadriennale M. Martini va Mezzolombardo);

Tipologi B) - zboa’sk platz ver diplomatn en schualjor 2023/2024 va de trentiner zboateschual va zboate tritt ont ver diplomatn van learsistem ont professionalschual, òllgamoa’ ont paritet.

De zaitn van projekt
De mobilitetn, unter en an vurm va òrbetlear ka bèrkn/organisasionen en auslònt (lender va de Europeische Union), barn viar bochen dauern ver de studentn va de Tipologi A), men klòfft va bècksl schual-òrbet, ont 16 bochen ver de diplomatn va de Tipologi B).

Bail en ring barn paroatmomentn en de mobilitet gem ont an to va follow-up benn as men zaruck kimmp va de mobilitet.

Bou
De platz bou as men de mobilitet mòchen bart sai’ ungefer en de doin lender:

IRLANDA / MALTA - òrbetsproch englesch

TAITSCHLONT - òrbetsprochen taitsch ont/oder englesch

SPAGNA- òrbetsprochen spanesch ont/oder englesch

BELGIO – òrbetsprochen franzos ont/oder englesch

Kostn
De Provinzalamministrazion gip gèlt ver za lucken de doin kostn:
- earstelear van lemring va mobilitet;
- roas za gea’ ont zaruckkemmen keing en lònt va de mobilitet (en zuch, pullman oder vliager)
- versicherung (pfèrlechkaitn, unvòlln ont zivilvourstea’) gilte ver de gònze zait va de mobilitet en auslònt;
- organisasion van program va òrbetlear en Lònt bou as men geat;
- èssn ont bonung (en residenzn oder familia);
- lokalverkear en auslònt;
- versicherkòrt van òrbetlemring.

Nochrichtn
Der projekt Europeische mobilitet, òrbetlear ont learnen ist regiart van Universitetomt ont europeischngèlt - Dinst professionallear, terziarlear ont sistemòrbetn van Lear ont Kultur Omt, Autonome Provinz va Trea’t, pet de hilf va de Lòntmeareròrbetn Struktur Ad-Personam.

Mail: ka1smart@provincia.tn.it

Telefon: 800-163870 (Lòntmeareròrbetn Struktur Ad-Personam)

Internetsait: https://www.vivoscuola.it/meta

Ibersetz gamòcht van Sprochtirl va de Tolgamoa'schòft Hoa Valzegu' ont Bersntol

(cdt)