De prais sai’ a kloa’na, automatesche, schea’na ombrèla va de Euregio za meing leing en an taschl ont a hèftl ver za schraim “Euregio Topuach” va design Euregio. De prais barn kemmen austoalt en de sèlln as gabingen ont de letratn barn kemmen gadruckt oder as de earste sait oder as de haupmu’netn oder abia collage zòmm pet òndra. S bart nou kemmen gamòcht a sait drinn en klender van Euregio 2022 as klòffn van gabinger.

Òlla de lait van Euregio Tirol-Sǜdtirol-Trentin barn meing toalnemmen en dei prais. Men bart meing schicken finz as viar letratn ver òll jorzait (ver an total va 16 letratn). Der Euregio vrok za schicken de pilder pet a guata resoluzion ont za schraim derzua bos as s ist kemmen letratart ont ber as s ist der artist. Men bart meing nemmen toal finz as de 12 van leistagest 2021 drinn en ling www.euregio.info/concorso.

Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
(Traduzione a cura dello Sportello linguistico della Comunità Alta Valsugana e Bersntol)