Venerdì, 04 Agosto 2023 - 15:33 Comunicato 2320

Traduzione in ladino

Elisocors, l é pontà via la sperimentazion a Ciavaleis

L’assessora Segnana: “Servije smaorà de sajon”

L é pontà via en sabeda ai 29 de messèl la sperimentazion che perveit l elisocors a Ciavaleis, aló dal ospedèl. L meso de la Repartizion jolieres del corp permanent di Studafech da Trent co l’equipe medica dedichèda de Trentino emergenza l à fat cater intervenc. L era stat l’Aministrazion provinzièla a dezider de meter a jir n terz jolier de dì, vedù l numer semper maor de socorsc che vegn fat de sajon. L zil l é chel de arsegurèr n servije spedient tel cajo de intervenc che depen dal temp. “Aer a la leta n terzo meso a nord-est respet al aeroport Caproni de Matarel sarà de utol per dut l Trentin, ajache a chesta vida l teritorie vegnarà corì miec e l miorarà ence i tempes de intervent, te n temp del an olache la statistiches moscia sacotanta domanes de socors” à dit l’assessora provinzièla a la sanità, Stefania Segnana.

L'elicottero del Corpo permanente dei Vigili del fuoco di Trento interviene in un'operazione di soccorso in alta montagna [ Foto Archivio Nucleo elicotteri - Corpo permanente VVF Trento]

L prum intervent de l’equipe che pèrt da Ciavaleis l é stat via per l dadoman sun Col di Rosc, sora l paisc de Cianacei, olache n biker se à rot n brac; dapodò l jolier l à recuperà n escursionist che se aea fat mèl su la Gran Torn de Vallesinella tel grop del Brenta (i etres doi jolieres era stac chiamé zaolà utró). Via per l domesdì l jolier se à pojà a Caoriana per didèr na persona che stajea mèl e tinultima a Belamont de Pardac per n ziclist che era stat metù sot. La scomenzadiva sperimentèla la é stata portèda dant desche na proa per n possibol servije stabol de elisocors da Ciavaleis. Chiò l é stat adatà l spiaz aldò di besegnes de stazionament; amò apede l é stat endrezà spazies adaté per l personal (medico, equipaje de sgol e per l control de la ativitèdes contra l fech) estra che per la bot per l reforniment del jolier e per l meso dedicà al servije contra l fech. L projet sperimentèl de smaorament l jirà inant dai 5 ai 20 de aost e dai 26 ai 27 de aost, via per l dì, canche rua l maor numer de domanes de socors.

Desćèria chiò l video a auta definizion https://we.tl/t-4S4Jng7jgb