Giovedì, 18 Luglio 2024 - 15:44 Comunicato 1922

Traduzione in cimbro

Di Lusernar håm gemak bokhennen in Komisardjio Nerio Giovanazzi

In menta in tages da vorsitzar Fugatti hatt getrèfft di laüt

[Cimbro] An offentle trèff zo maga zoang bazdada iz hintargest zo tüana vor bazada ågeat di rechnung, boda hatt gemacht komisardjarn in Kamou vo Lusérn. Di lusernar soin zuargånt aftn trèff pin Komisardjo Nerio Giovanazzi. An lången trèff, dena zo haba geredet pittn rapresentent von feroine, z’zoaga di sachandar boda soin gest zo macha un di sèlln boma mucht vürtrang, zoa azta dar kamou mage vürgian. In tages, aftn trèff, izta gest o dar vorsitzar vodar Sèlbartgerédjart Provinz vo Tria, Maurizio Fugatti. “Bar impaitnaz – hatta khött Fugatti, tragante in gruaz vodar asesóra Giulia Zanotelli – zo maga gem in lusernar di möglichkhait bidar zo votara un zornirn soine aministratör. In disa zait dar Komisardjo Nerio Giovanazzi, boda hatt a grosa esperienz, bart arbatn zo magada rivan.

[ Archivio Ufficio Stampa PAT]

Auz pan lestn von lentz, di Provinzal Djunta hatt gemeldet in Giovanazzi zo stütza di arbat von Kamou.

Dar ex provinzal Konsildjiar, alz Komisardjo, iz in vuaz von aministratör sin afte naüng eletziongen.

“Dar komisardjamento – hatta khött in menta dar vorsitzar Fugatti – hattmen gemucht machan, ombromm Lusérn iz a kamou vonar mindarhait un di mindahaitn soin darkhennt alz bichte in da üsar Autonomì. Haüt habar geböllt bokhennen di lusernar z’zoaga di arbat boda iz khent vürgetrakk in dise earstn bochan un bazdada no bart soin mengl zo lega a post di sachandar boda håm getrakk sin zo meldla an Komisardjo”.

Dena drai månat – hatta khött Nerio Giovanazzi – haltbar biche machan bizzan in laüt biavl arbat bar machan zo lega a pòst di sachandar in Kamou. I hån gevuntet in di lusernar an stütz zo giana vür, un ditza helft z’arbata gearn.

Di laüt håm gemakk bizzan bazdada khint getånt, ombromm balsa vorsan eppaz, khintzen rispundart.

Dena in trèff, dar Komisardjo Giovanazzi un dar Vorsitzar Fugatti soin gånt z’sega di schual un di biblioték. “Ma vorsteat – hatta khött Fugatti- bia di laüt haltnda aft soi lånt, aftn soin Kamou un aft sai kultur”.

Atz Lusérn soinda gest o dar Diridjent vo Dipartimenti Enti Locali, agricoltura, ambiente un cooperazione vodar Provintz vo Tria, Roberto Andreatta, dar vorsitzar von Consorzio dei Comuni Trentini Paride Ganmoena, dar provintzal konsildjiar Walter Kaswalder, rapresentent von Faierwerk, von karabiniarn, von Kulturinstitut, von veroine un von volontariàt.

Interivsta in vorsitzar Maurizio Fugatti