Traduzione in mòcheno
De nai sperimentaltelevision ver de storische sprochminderhaitn van Trentin
Gadruckt de vournochricht ver de òrbeter van sektor
Derno as s ist kemmen gamòcht der switch off van TML - Tele Sprochminderhaitn, der sender gònz gamòcht ver de storische sprochminderhaitn van Trentin, der Dinst ver de lokaln Sprochminderhaitn va de autonome Provinz va Trea’t hòt tschbunnen za mòchen an sperimentaldinst va HBBTV (Hybrid Broadcast Broadband TV), de gamischeta television as geat durch s antennakabl ont s nètzkabl, de nai smart TV.
S ist kemmen asou gadruckt de vournochricht, ver za nemmen au benns mechet enteressiarn en de òrbeter van sektor de doi òrbet ver za ibernemmen der doi sperimental projekt ver an jor. S ist an dinst va trasmission durch HBBTV va video produktn as de sprochminderhaitn van zimbern, ladiner ont bersntoler, zan mearestn gamòcht as de earste sproch pet nochrichtn ont òndra programm ver za kennen, learnen ont ver de schualn aa.
Der projekt ist kemmen trong en Zòmmtrèff van Sprochminderhaitn, der bichteste orgl as vourstellt de storischen minderhaitn sprochgamoa’schòftn, as hòt u’ganommen de vourtschbinn. Dòs ver za meing gem en òlla de drai gamoa’schòftn va minderhait s rècht za kriang nochrichtn za meing lisnen ont schaung en de aigene sproch abia as paschraip s provinzal gasètz.
S gadruck va de vournochricht, as gilte ist finz za mitto van ma’ta as de 6 van merz 2023, konnt men sa vinnen gònz as de sait va de Autonome Provinz va Trea’t as en link:
https://sicopat2.provincia.tn.it/pubblicazioni/#/avvisi/dettaglioavvisi?id=75&codiceSA=SA00000845&codiceSistema=1
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
(cdt)
Immagini
