Chi che vegn de retorn te la Tèlia dò che i é stac te la Croazia, Grecia, Malta e Spagna i à l’obligh de fèr n test molecolèr o antigenich, tras tampon, te chela che i rua te areoport, te port o te n raion de confin, o te Azienda provinzièla per i servijes sanitères dant che sie fora 48 ores da canche i rua. Endèna che vegn fora i ejic i cogn fèr l’isolament fiduzièr te sia majon. Autramenter i cogn portèr dant, te chela che i fèsc l mbarch per vegnir de retorn te la Tèlia a chi che l’é enciarià de fèr i controi, l’atestazion che la desmostra che i à fat l test – resultat negatif – te la 72 ores dant te ruèr sul tegnir talian. Chest l vegn pervedù co la neva ordenanza sotscrita anché dal President de la Provinzia autonoma de Trent, che la é vegnuda fora dò da chela del Minister de la Sanità dai 12 de aost.