“Veste te n jir de cèsa e esser indipendent, e paèr 100 euro al meis de fit? E ence troèr n lurier? No l é n ensomech, l é realtà! Tol pèrt al avis “Coabitazione giovani” e dage sbunf a tie davegnir!”. Chesta la paroles de la reclam del projet che vegn metù a jir a Scurelle. L’avis l va fora ai 30 de oril del 2024.
L projet l perviet n cartier con set cambres con sie bagn e spazies a la leta de duc, de proprietà del Comun de Scurelle, che l ge vegn dat en conzescion per la doura debant a l’Azienda Publica per i Servijes a la Persona de Borgo Valsugana. L’Apsp l’à dezedù de l meter a la leta per n percors inovatif che l fae crescer la comunanza e l’economia dal post, aldò del prinzipie de l’economia de la saturazion, che fossa ge dèr na neva vita ai fabricac publics no desfruté. L endrez del projet Coabitazione l é de: l’Agenzia per la coesion socièla, l’Agenzia del lurier de la Provinzia Auotnoma de Trent, l Comun de Scurelle e l’Azianda Publica per i Servijes a la Persona de Borgo Valsugana.
L Projet l à l zil de didèr i joegn acioche i sie più indipendenc, ma ence de renforzèr la sozietà locala, con chela de miorèr l bonstèr de la comunanza e fèr acioche l paisc sie più atratif. Na particolarità de “Coabitazione” l é che chi che tol pèrt à da fèr n pecie de ore de volontariat, aldò del sentiment de zitadinanza ativa, valor fondamentèl per l Trentin. L avis l perveit diesc ores al meis de volontariat atif. I joegn che tol pèrt i cognarà se dèr ju per la comunanza e didèr te chela ativitèdes che ge dèsc benesser a duc.
N auter ambit che vegn tout ite con chest projet, estra che dèr l met de aer na cèsa a n priesc bas, l é chel del mond del lurier, de gra a n lurier dessema co l’Agenzia del lurier, che l dèsc l met de envièr via percorsc de autonomia essenzièi dal pont de veduda profescionèl, estra che economich e sozièl.
DUTA LA INFORMAZIONS:
Telefon 0461/754123
e-mail info@apspborgo.it
Traduzion di Servijes Linguistics e Culturèi del Comun general de Fascia
