Vor alln in folgn vodar zungmindarhait von bèrsntòlarn, vürgetrakk in studio von Giacomo Tomasi vodar RAI pittar Claudia Marchesoni un pittn Leo Toller von Bèrsntòler Kulturinstitut (KIB), soinda khent inngeladet espèrte un atӧr vo meararne aspèkte.
Vo ditza izta khent geredet: khennen di mindarhait un soi zung; di Krömar; di khuchl; di zung; dar vaschom; Robert Musil un ’z Tal; daz fantastische; di arbat vodar schual; di khlumman pern; di mineràln un di gruam; di arkitetùr.
Vor da bèrsntòlar mindarhait håmda gètt a hånt Barbara Laner, Tiziana Moltrer, Federica Ricci Garotti, Martin Toller, Giorgia Decarli, Roberto Moltrer, Paolo Ferretti e Roberto Pezzato.
Eppaz asó izta khent gemacht vor di mindarhait vo Lusérn o, vürgetrakk hèrta von Giacomo Tomasi pittar Elena Nicolussi Giacomaz von Kulturinstitut. Ma hatt ågeheft pittn Fiorenzo von Kastelé, kultùrarbatar von KIL, boda hatt geredet vodar hèrkunft von zimbarn, darnå von fantastische figùrn un vo bazta ågeat poan in mindarhaitn pittn Leo Toller von KIB. Di åndarn folgn håm geredet von auzlegom vo Lusérn, vodar zung, von rèchtn von drain zungmindarhaitn un vodar arbat vodar Authority vor di zungmindarhaitn. 
Vil platz iz khent gètt in teledjornàl Zimbar Earde un in editoriàl prodjèkhte von KIL, dar traditzionàl khuchl, in pånt zbisnen Lusérn un soine djungen, in schualprodjèkht 0-6 “Khlummane Lustege Tritt” un, an lestn, dar auzlegom vo haür von Museo Lusérn: “BURTZAN: Stòrdje vo baibarn, arbat un pèrge”. 
Da håm genump toal Elena Nicolussi Giacomaz, Fiorenzo Nicolussi Castellan, Anna Nicolussi Neff, Willy Nicolussi Paolaz, Stefano Nicolussi Castellan Galeno, Matteo Nicolussi Castellan, Maura Bello, Luca Zotti, Simone Nicolussi Neff, Gabriele Agostini, Katia Nicolussi Moz Chelle un Roberta Bisoffi.

Zo lüsna makma drukhan attn link da untar: https://www.raiplaysound.it/programmi/lelinguegermanichedeltrentino-mochenoecimbrodalprincipio

Übarsetzt von Kulturinstitut Lusérn