“Dar båndo bill vürtrang di kultur von gelaichegen oportunitét zo geba kontra in diskriminatziongen un darzua billar soin kontra dar violentza afte baibar” hatta khött di asesora von politike vor di famildje vodar Provintz vo Tria, Francesca Gerosa. Darzua – izze vürgånt – billar stützan prodjètte boda helvan zo nemma vort baztada impedirt gelaichege oportunitét ".

’Z mangda inngem di vorsum vo kontributo di åmte boda nètt gebinnen gèlt un bodasan håm vèrt.
Di vorsum muchan khemmen geschikht in “Umse Pari opportunità violenza e criminalità” vodar Provintz vo Tria von 15 von hochnach sin atz 13 von hornung 2024. Ma mage ånemmen di prodjètte boda gem naügez in teritordjo vodar provintz un muchan khemmen gemacht vor in 31 von kristmånat, ena zo maga soin vorschobet.

Dar kontribut khint gètt vor in 80% von sèll boda khint gezert nå in sèll boda iz khent inngett.

Di åmte boda inngem di vorsum zo haba di kontribute vor di prodjètte boda innvången schualn, asìle o, muchan vor earst soin darkhennt von “Istituto provinciale per la ricerca e la sperimentazione educativa (IPRASE)”.

Ber da hatt di tschertifikatzion “Family in Trentino, Family Audit un Family Audit Executive” darkhennt vodar  “Agenzia
provinciale per la coesione sociale”, bart håm mearar vèrt un mearare pünt, an darkhennum vor bem sa arbatet vor di famildje un vor di aziende boda auzpezzarn di arbat haltante kunt vo baz da håm mengl di famildje.

Dokumentn aft link:
http://tinyurl.com/bdhw2urf

Zo bizzasan mearar:
Umse Pari opportunità prevenzione violenza e criminalità
Agenzia per la coesione sociale
email: umse.pariopportunita@provincia.tn.it
tel. 0461/493839

Übarsetzt von Türle afta Zimbarzung von Kamou vo Lusérn