![](/var/002/storage/images/media/immagini-comunicati-stampa/pari-opportunita-image3/3729933-1-ita-IT/Pari-opportunita_imagefullwide.jpg)
“L avis l vel engaissèr, da na man, la cultura de la valiva oportunitèdes anter om e femena per ge dèr de contra a la discriminazions, e da l’autra l’azions contra la violenza a la persona – à declarà l assessor a la politiches familières de la Provinzia autonoma de Trent Francesca Gerosa. Amò apede – l à dit - l se met dant desche obietif chel de meter a jir projec che posse portèr a smendrèr, e me augure a tor ju deldut tel davegnir, i ostacoi che empedesc che vegne dat la valiva oportunitèdes”. Pel portèr dant la domana de contribut i enc che no à fin de vadagn che à i titoi spezifics. La domanes les cogn ge vegnir portèdes dant a Umse valiva oportunitèdes prevenzion violenza e criminalità de la Provinzia autonoma de Trent dai 15 de jené ai 13 de firé del 2024. Se pel finanzièr i projec metui a jir tel ambit provinzièl, l’ativitèdes les cogn vegnir fates dant dai 31 de dezember del 2024 e i termins no se pel i sperlongèr.
L contribut l vegn conzedù per l’80% de la speisa entria da poder ameter e l vegn calcolà aldò del pian finanzièl portà dant.
I enc che porta dant la domana de contribut per i projec che tol ite la istituzions scolastiches, tout ite la scolines, i cogn ge domanèr la validazion dantfora al Istitut provinzièl per la enrescida e la sperimentazion educativa (IPRASE).
La zertificazions Family in Trentino, Family Audit e Family Audit Executive, dates fora da l’Agenzia provinzièla per l leam sozièl, l é n valor che ge vegn recognosciù ai enc che vel portèr dant n projet. La organisazions che propon, che à chesta zertificazions, ciaparà ponc en più con chela de ge dèr n recognosciment a chi che laora su la politiches del benesser familièr e del bonstèr aziendèl.
Documentazion a la leta drucan l link:
http://tinyurl.com/bdhw2urf
Info
Umse Valiva oportunitèdes prevenzion violenza e criminalità
Agenzia per l leam sozièl
email: umse.pariopportunita@provincia.tn.it
tel. 0461/493839
Traduzion di Servijes Linguistics e Culturèi del Comun general de Fascia