De sai’ mear abia nainhundert de “voner” van doi virtual village as bill kemmen an plòtz za vinnen se ont za klòffen se aus ver de lait as hearn se trentiner ober as de plaim en mearer saitn va de bèlt.

Pet de doi plòtt billt men zòmmleing ont en de netz leing de trentiner ont de sèlln as stòmmen van trentiner as lem en auslònt, en Trentin oder en òndra saitn va Balschlònt.

De community leik zòmm de nochrichtn ont de projektn ver za gem an aussicht as de bèlt, s nemmen toal lait as hom nèt glaicha lustn, regln ont òrbetn ober de belln plaim en kontakt pet en Trentin ont pet de trentinische gamoa’schòft.

De plòtt, tschbunnen va de oa’vòche mission lòntschòft ont gilt s social trentiner gèlt auslònt, de struktur as tschbinnt ont mòcht de politik ont de projektn va de Autonome Provinz va Trea’t ver de trentiner as lem en auslònt ont de sèlln as stòmmen van trentiner, ist kemmen gamòcht no a zòmmòrbet pet de hilf aa va de Vraischòft Trentiner en de Bèlt ont va de Zòmmvraischòft Trentiner Familie Auslònt.

Innschraim se en https://mondotrentinovillage.it/ ist laicht. S sai’ ganua bea’ne tritt ver za u’melln se: men miast lai schraim der num ont der ibernum, tschernen der profilo ont zòmmpintn se pet òlla de lait as toal mòchen van “Trentinbèlt Village”.

Ibersetz gamòcht van Sprochtirl va de Tolgamoa'schòft Hoa Valzegu' ont Bersntol