L President de l’APT de Fascia Fausto Lorenz l à portà dant n bilanz positif de la sajon da d’inver 2025-2026, con evenc e comeptizions de nonzech endrezé te Fascia e la Olimpiades te Fiem con efec ence te nosc raion. Se varda ence jà a la sajon da d’istà col endrez de projec per l stravardament del teritoire ence coi “ranger” chesta neva fegura che, aldò del ejempie de Gherdena, deida col dèr informazions, tegnir rencurà e fèr respetèr la regoles.
“Na ciacerada co Le Lingue Morte” event endrezà tel chèder del projet TrasLaMusega de la Majon di Fascegn, con n laboratoire per museganc via per l domesdì e na sera averta a duc anter musega e ciacoles. I doi fondadores de Le Lingue Morte, Armando Rebaudo e Mario Färber, à contà si esperienze, i à portà dant toc de sie repertorie e engaissà i artisć che à tout pèrt a durèr l ladin e scriver con sia personalità e stil. N bel confront anter encresciujum e n sbunf feruscol envers l davegnir.
Louf, anter i provedimenc più emportanc duré per la prevenzion l é la doura di cians da vardiania, adestré aposta per vardèr via la besties.
La musega de Moena à portà sun paladina: folk vs rock; doi stii desferenc che se à dat endesfida! Na endesfida soraldut per i sonadores de la banda che à emparà e sonà museghe de la tradizion folk e di gropes rock più cognosciui, e olache l publich à ence podù litèr chel che ge à piajù de più. Apede i ne à portà dant la bela neva del Dolomites music festival che i endreza chest istà.
I reports de chesta setemèna i é stac enjigné e porté dant da Riccardo Zanoner e Angela Pederiva.
Metù a jir col sostegn del Comun General de Fascia, de la Provinzia autonoma de Trent e de la Region autonoma Trentin – Südtirol, “Pedies” l va fora su Trentino Tv – canal 10 Prov. de TN- vigni sabeda da les 18.00 (sie da sera), de domenia da les 13.30 (mesa la does domesdì) e de lunesc da les 11.30 (mesa les doudesc).
L program l va fora ence su AltoAdige TV – canal 11 Prov. de BZ - vigni domenia da les 18.00 (sie da sera).
Se pel veder duta la puntates ence sul canal YouTube de TV Ladina sot chest link:
https://www.youtube.com/@TvLadina
La puntata de chesta setemèna la vegnarà fora entorn la medema ora de la televijion.
Se pel veder i report un a un su la piata Facebook de TV Ladina.
https://www.facebook.com/TelevijionLadina
Traduzion di Servijes Linguistics e Culturèi del Comun general de Fascia
