Mearer gèlt ver en zuazol van Sprochkatalog van groasn lait
Naia moglechkaitn za verstea’ de taitsch ont englesch sproch ver de groasn lait
Traduzione in mòcheno
[Mòcheno] De Provinzaljunta, no s vourtschbinn van vicepresident Spinelli, hòt u’stimmt za gem zboa milionen va euro ont van doin 30.000 euro sai’ ver de laichter s toalnemmen van lait pet disabilitet, ver en Sprochkatalog ver de groasn lait 2025-2027, en programm (FSE+) 2021-2027 va de Autonome Provinz va Trea’t.
“Pet en doi mosnemm - unterstraicht der assessor Spinelli - bart men meing versterchern de u’lear ont toalnemmen mòchen mearer groasa lait. Asou tuat se versterchern de òrbet ver de groasn lait pet an heacher zuazoln ver de u’learring va taitsch ont englesch en de stòttn ont en de derver aa. Der rif ist za unterstitzn a greaser zuakearhait en de u’lear ont en verpessern de sporchkompetenzn van lònt, asou za verlaichtern de inklusion ont de kompetitivitet”.
Der Sprochkatalog ist a moglechkait as òlbe mear lait gearn hom, avai de vrogn za nemmen toal sai’ òlbe mear. Men schatzt as men nou mear verpessern kònn, ont dòs billt song as der trend positiv ist ont greaser kimmp.
S Program ist zuazolt zòmm pet de Europeische Union - Europeische Paitrog plus ver en 40%, Balschstòtt ver en 42% ont Autonome Provinz va Trea’t ver en 18%. Der paitrog ver de naikaitn ist gaben va 2 milionen ont iaz ist er va 4 milionen va euro.
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
(cdt)
Immagini
