La scomenzadiva la é perveduda tel chèder de la Lege provinzièla n. 15 dai 3 de otober del 2007, che recognosc i ecomusees desche strumenc fondamentèi per l svilup local. Chesta realtèdes, sostegnudes dai enc locai, à na funzion fondamentèla tel recuperèr e valorisèr la memoria storica, la cultura e l leam anter ambient naturèl e chel antropisà, integran la politiches culturèles con cheles ambientèles, economiches e de la enrescida.
Per meter a jir l avis l é stat metù a la leta € 240.000,00- en dut. La ressorses, jà resservèdes con na deliberazion da dant de mèrz del 2026, les vegnarà spartides sun doi egn per arsegurèr n seghit di projec:
- 144.000,00 euro sul an finanzièl 2026;
- 96.000,00 sul an finanzièl 2027.
Estra che i criteries del avis, l provediment à aproà i formulères che serf per portèr dant la domanes, per la domana de acont e per dèr fora l’ultima pèrt del paament. Duta la documentazion, tout ite l avis entriech e i formulères, la sarà a la leta sora n pech e da poder lejer sul sit istituzionèl de la Provinzia autonoma de Trent.
Traduzion di Servijes Linguistics e Culturèi del Comun general de Fascia
