De doi moss mòcht toal va de ausrot n. 970 va de 4 van heibeger 2025, as hòt vourstellt, zbischn de rèchtn as prauchen ver za mòchen der u’learu’stellt van familie van vourkindergòrtn Tagesmutter en Trentin, s derkennen de kompetenzn, no en Provinzalgasetz va de earste van heibeger 2013, n. 10 asn permanentlear. De doi moglechkait geat zòmm pet en u’learbe bou as men miast mòchen vinfhundert stunnen ver za meing kriank der titl.
Der òrbetprofil ist kemmen tschazt van Kindergòrtndinst derno za hom vertiaft de richtegen òrbetn za trong envire, gilt gem en de augea’politik, gem hilf en de familie ont versterchern de u’leardinstn ver de kinder as hom zbischn de 0-3 jor. De technischesuach ist kemmen notschauk van Omt ver de toalnemmpolitik ont stòttkear van U’leardinst, pet an ausònder òcht za gea’ no en de regln va de Stòttlista ont pet en Stòttòrbetnrom (QNQ).
Derzua leing der nai profil en de Provinzallista derstellt an bichtegen mittl ver za gem gilt en de kompetenzn as men schoa’ hòt as mearer sòchen, ver ber as bill òrbetn en de dinstn van familie vourkindergartn - Tagesmutter. En de glaiche zait, ist an paitrog ver za versichern runt a guata qualitet ont òrbet ver de social-u’lear ver de vourkindergartn, abia as paschraip s gilte provinzalgasetz.
Der zil va de mosnemm ist topplet: van a sait gem mear moglechkaitn en de dinstn ver de vourkindergartn ont asou gem ompòrt en de neat van familie durch an integrativsistem van dinstn; va de ònder sait stitzn de politik ver za gem bèrt ont biderbèrt en de òrbet, ont versterchern der provinzalsistem van derkennen de kompetenzn.
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
